圣诞必去浪漫靓景！9个Instagram打卡热点
浏览：560时间：2020-06-26踏入十二月，四周都充满圣诞气氛。荔枝角D2 place呢个超浪漫飘雪天台花园，打卡一流！场内有一个3米高的巨型水晶球，旁边会衬托住圣诞装饰，最重要係有多部飘雪机，大家就可以睇到漫天飘雪，超浪漫啊！
浪漫度：✭✭✭✭✭
影相位：✭✭✭✭✩
抵去度：✭✭✭✭✭
评语：风向非常影响飘雪效果，所以要捉紧时机，一见飘雪迎面飘落，就要準备好相机影相啦。
打卡详情
日期：开始，每个星期六和星期日，12月24 – 31日
时间：18:00-22:00
地址：长沙湾长义街9号D2 Place天台花园
费用：免费
打卡热点2： 全港首个冰上雪地！溜冰x飘雪最浪漫想过一个浪漫圣诞？咁一定要去太古城！可以一路睇雪一路拖着手仔围着20呎高圣诞树溜冰，体验白色圣诞的浪漫时光！喺12月17至24日，有多场国际级溜冰汇演，邀请咗外国同本地获奖的溜冰高手大显身手！
浪漫度：✭✭✭✭✭
影相位：✭✭✭✩✩
抵去度：✭✭✭✭✩
评语：一路溜冰，一路感受飘雪，非常浪漫！
太古城中心
地址：太古城中心一楼冰上皇宫
日期：即日起至2016年1月1 – 3日
时间：11am – 9pm（每半小时一次）
费用：不同时段有不同票价，详情留意太古城网站
打卡热点3：有得影相有得玩！黄埔雪感圣诞玩乐园未滑过雪嘅朋友，今次有福了！因为黄埔天地圣诞搞咗个雪感圣诞玩乐园，喺室内以人造雪打造成乐园，有得玩雪同坐雪兜，另外仲有工作坊整下圣诞卡同挂饰等，名符其实有得影相、有得玩！不过留意返，个活动係比小朋友嘅！
浪漫度：✩✩✩✩✩
影相位：✭✭✩✩✩
抵去度：✭✭✭✭✩
评语：活动只适用于小朋友，12岁以上就无得玩，只可以喺外面影下相！
打卡详情
地址：黄埔新天地时尚坊地库
日期：2015年12月25 – 27日，2016年1月1 – 3日
时间：1pm-6pm
费用：
1. 于黄埔新天地任何商舖消费满港币$100或以上之即日单一机印发票，可参加其中一项活动。
2.消费满$200或以上之即日单一机印发票，4 – 12岁小朋友即可参加其中一节圣诞手作坊。
备注：身高限制0.8米至1.4米
灯饰类打卡热点4：极浪漫！香港的5000朵玻璃花海！宣传都讲明「光是浪漫 已经足够」，60米长嘅玻璃花海，由着名玻璃艺术家製作超过5000朵玻璃花打造而成，夜晚着晒灯真係好浪漫！
浪漫度：✭✭✭✭✭
影相位：✭✭✭✭✭
抵去度：✭✭✭✭✭
评语：入夜之后真係好靓，但係始终光线不足，人样会比较唔出，如果又想影到灯光效果，又想影得清个靓样，就建议大家黄昏去，把握差唔多天黑嘅嗰10-20分钟，咁就可以又影到天黑效果，又影到样喇！
打卡详情
地址：沙田新城市广场1期7楼星光花园
日期：至
时间：12nm – 22pm
查询电话：2684 9175
打卡热点5：愉景湾过欧陆圣诞 睇巡游圣诞节想有d欧陆气氛唔一定要去旅行，喺香港都可以搵到呢种感觉！新假期有博客就推介愉景湾嘅星愿圣诞！
Blogger话：发觉愉景湾都係一个唔错嘅选择，贪佢人够少又有外国圣诞气氛。听讲今年愉景湾啲圣诞灯饰好靓，好多人post咗相。于是上星期入咗去探路，仲打听到佢哋今年有个与众同乐嘅巡游，Travel佳即刻炮製咗个圣诞一日游，希望同另一半喺香港过一个欧式圣诞。
浪漫度：✭✭✭✭✩
影相位：✭✭✭✭✭
抵去度：✭✭✭✭✭
评语：愉景湾有欧陆气色，有灯饰、有表演、有餐厅，唔洗同人逼，抵去嘅！
打卡详情
D’Deck圣诞巡游
地点：D’Deck临海美食区及愉景湾码头
日期：12月24至26日（星期四至星期六）
巡游时间：2场，6:30 pm & 8:30pm
（巡游表演队伍喺3:30p.m.起会同大家见面拍照留念）
打卡热点6：海港城亮灯！ 闹市中的迪士尼圣诞大街！海港城每年嘅圣诞布置都好有保证，一年靓过一年，今年仲同迪士尼合作添！今年以「Happily Ever After」圣诞大街为主题，将海运大厦露天广场幻化成一条大街，左右两旁全部都係一间间屋仔布景，窗口仲有唔同卡通人物嘅剪影！
浪漫度：✭✭✭✭✩
影相位：✭✭✭✭✭
抵去度：✭✭✭✭✭
评语：的确有置身于迪士尼嘅感觉，好梦幻，可惜太挤逼！
打卡详情
地址：海港城海运大厦露天广场
电话：21188666
网址
红叶类打卡热点7：元朗 大棠郊野公园圣诞唔一定要同人逼嘅，去郊外呼吸新鲜空气都係一个好选择！位于大棠郊野公园的枫香林，一到冬季肯定会充满赏枫的人群，圣诞未谂到有咩做，可以去影吓相同摘士多啤梨，夜晚仲可以去BBQ添！
相片：Travel With Stella (连结)
浪漫度：✭✭✭✩✩
影相位：✭✭✭✭✭
抵去度：✭✭✭✭✭
评语：去一去都用咗成日，唔洗再谂活动，又有得打卡，不过可能会多人。
打卡详情
地点：大棠郊野公园
前往方法：到西铁线朗屏站转乘港铁巴士K66，至总站下车，行走15分钟便会看见大棠郊野公园入口
打卡热点8：根德花园 恬静赏枫如果你喜欢恬静少人的地方，根德道花园就一定满足到你！位于理想酒店旧址后面，地理位置佔尽优势，因为九龙塘站一出行几步就到。花园内的红枫树一排列于旁边，就好像一条道路。可能因为面积小和不有名的关係，大部份时间都只有很少人会来，适合单独或二人游览。打完卡又方便去食饭！
浪漫度：✭✭✭✭✩
影相位：✭✭✭✩✩
抵去度：✭✭✭✭✭
评语：人少少，又方便，影完相去食饭就啱！
打卡详情
地点：根德道花园 (显示地图)
前往方法：港铁九龙塘站B出口步行5分钟
打卡热点9：青衣公园 红羽飘飘青衣公园备人工瀑布、荷花湖泊、花影处处，係街坊的呼吸晨运胜地，每年冬天湖边的落羽松及水松呈黄橙色及暗红色，针状叶子微微下垂，落叶时如羽毛般飘落。加上大叶榄仁树同样红卜卜，咁有意景，难怪吸引不少龙友全副武装採图！喺红叶下野餐，一定非常浪漫啦！
浪漫度：✭✭✭✭✩
影相位：✭✭✭✭✩
抵去度：✭✭✭✭✭
评语：可以赏叶，又可以野餐！打卡一流！
打卡详情
地点：青衣公园 (显示地图)
前往方法：港铁青衣站C出口步行3分钟