觅食中环苏豪区4大心水Dining娜

浏览:556时间:2020-08-05
(Presented by DBS信用卡)

嗰啲什幺上车攻略就教人去少几次旅行,悭钱买楼,但啲饮食节目就话你知出埠有咩好食,有时都几矛盾。不过香港有样好,乜嘢地方嘅好嘢都食得到,特别係中环兰桂坊啊、苏豪区一带,唔好以为得个贵字,其实有唔少质素好嘅餐厅,环境、嘢食、服务都几掂,而且价钱亲民,物有所值㗎。况且喺呢区食完饭,落楼有咁多酒吧,一边继续同朋友倾下心事,一边欣赏下「风景」,我意思係男士可以睇下靓女,我哋女士们又可以望下大小鲜肉,呢种饭后娱乐,肯定好过糖水直落,係咪?好啦唔讲咁多废话,我Dining娜最叻唔係拣男朋友,係拣餐厅,即刻推介番几间心水先!

墨西哥代表

Cali-Mex

觅食中环苏豪区4大心水Dining娜

如果我就咁讲墨西哥菜,你未必即时谂得到係食咩嘅,但其实呢类餐厅对香港人嚟讲绝对唔陌生,多数人都试过,而港岛区可能因为外籍人士多,墨西哥餐厅都比较多。Cali-Mex係我几锺意嘅一间,唔好睇佢係连锁店以为嘢食麻麻,有诚意㗎人哋。Burritos同Tacos一定要食啦,Filling有肉、菜同海鲜可以拣,花款好多。我就锺意佢嘅调味,保持到墨西哥嘅热情(即係辣)之余,口味调校得几清新,好开胃。未试过嘅朋友可以试埋Churro,係一种喺欧洲同南美几流行嘅小食,简单讲係炸麵粉条加玉桂粉、朱古力咁,味道偏甜,当饭后甜品相当唔错㗎。

觅食中环苏豪区4大心水Dining娜
佢哋嘅Burritos,酸忌廉同芝士味几出,夹咩Filling效果都唔错,一定要试。

地址:中环兰桂坊7号地下

电话:2904 7855

网页:cali-mex.com

四川代表

Chilli Fagara

介绍呢间餐厅,一定要由环境开始讲。火红色嘅墙、深色木檯櫈,加埋唔同嘅四川变脸面谱,未开始食你已经Feel到热血沸腾咁,係好正嘅室内设计。至于嘢食呢,係好纯粹嘅川菜精髓:麻、辣、烫。而且用嘅材料全部都好新鲜,经过令人食上瘾麻辣秘方烹调之后,仲可以保持到材料原有嘅风味,真係好正㗎。

觅食中环苏豪区4大心水Dining娜
名菜左宗棠鸡,做法其实个个厨师都唔同,但一样讲究炸嘅火候同辛辣香料嘅运用,Chilli Fagara就做得恰到好处。
觅食中环苏豪区4大心水Dining娜
睇落似一般广东叉烧,但用咗适量嘅川菜常见香料做变化,包你觉得风味新奇。

地址:中环奥卑利街7号地下

电话:2796 6866

网页

泰国代表

Soi 7

呢间餐厅最吸引我嘅地方,係佢嘅位置。喺云咸街比较静嘅地段,真係旺中带静嘅Feel,加埋充满东南亚风情嘅装修,係食嘢食埋环境同气氛嘅首选。另外,佢哋嘅泰国料理除咗味道正宗,喺用料同调味呢啲细节上,都做得好好,加上精緻嘅Presentation,可以话係非一般泰国餐厅。

觅食中环苏豪区4大心水Dining娜
King Size茄子用泰式香料炮製,惹味又开胃,係我至爱之一。
觅食中环苏豪区4大心水Dining娜
呢味春鸡係我另一款至爱,烧得香口入味之余又唔会过分乾身,配啤酒一流。
觅食中环苏豪区4大心水Dining娜
餐厅细细间、好静好舒适,最啱三两知己食饭倾偈。

地址:中环云咸街57号地下

电话:2840 0041

网页

希腊代表

Souvla

觅食中环苏豪区4大心水Dining娜

我谂希腊菜喺香港,都算係几冷门,比较少餐厅用呢个做主打。Souvla嘅装修唔係希腊蓝白小屋嗰种可爱浪漫,红色同深蓝嘅配搭,反而俾到人典雅又温暖嘅感觉。希腊菜嘅主角离不开肉类加乳酪呢个无得输嘅组合,肉煮得浓郁,乳酪酸酸甜甜够清新,可以平衡油腻。而呢度嘅出品,更加係我喺香港食过嘅希腊餐厅之中最精緻嘅,绝对值得一试。

觅食中环苏豪区4大心水Dining娜
烤得皮脆肉嫩嘅羊架,配上柠檬汁同乳酪,唔係夸张,自己一个食晒成碟都唔觉滞啊。
觅食中环苏豪区4大心水Dining娜
睇啲牛肉嘅颜色就知烧得好完美,简单用香草牛油调味,已经係顶级享受。

地址:中环德己立街40号好利商业大厦1楼

电话:2522 1823

网页:conceptcreations.hk/souvla/souvla-lan-kwai-fong

 

觅食贴士

其实苏豪区同兰桂坊又点止咁少好餐厅啊?仲有好多都值得试下,而且近排用DBS信用卡帮衬嘅话,可以喺好多指定酒吧及餐厅享受到全单85折、全日饮品Happy Hour优惠及买1送1等等,全部都好精彩,想知多啲就自己上网睇下啦

(此外,于DBS信用卡Facebook专页大玩互动游戏,更有机会赢取超过HK$5,000餐饮礼券,立即参加吧!)